Ég fann fornleifar hvað á ég að gera?

Forngripir eru allir manngerðir hlutir sem eru orðnir eldri en 100 ára. Finni maður forngrip á víðavangi ber manni skylda til að hafa samband við Minjastofnun Íslands og tilkynna fundinn. Einnig er hægt að hafa samband við minjaverði á hverju landssvæði.

Helst á ekki að taka gripinn upp þar sem hann getur verið hluti af stærri fornleifafundi. Í slíkum tilvikum er mikilvægt að gripurinn sé á sínum stað þegar fornleifafræðingar koma að því hægt er að fá mun meiri upplýsingar ef fornleifafræðingarnir sjá í hvaða samhengi gripurinn er í jörðinni.

Ef gripurinn er í hættu, til dæmis vegna þess að hann liggur í fjöru eða það er hætta á að hann týnist aftur, má taka hann með sér en alltaf ætti að reyna að skrá nákvæmlega hvar hann fannst, t.d. með GPS staðsetningu og ljósmynd, góðri lýsingu eða með því að merkja staðinn á einhvern hátt. Forðist þó að stinga einhverju niður í jörðina þar sem gripurinn fannst því við það gætu mögulegar fornleifar undir sverði skemmst.

Minjastofnun Íslands
Suðurgötu 39, 101 Reykjavík

Sími: 570 1300 - Bréfsími: 570 1301
postur@minjastofnun.is

Minjavörður Reykjavíkur og nágrennis

Henny Hafsteinsdóttir

Minjavörður Vesturlands

Magnús A. Sigurðsson

Minjavörður Norðurlands vestra

Guðmundur Stefán Sigurðarson

Minjavörður Austurlands

Þuríður Elísa Harðardóttir

Minjavörður Reykjanesja

Þór Hjaltalín

Minjavörður Vestfjarða

Inga Sóley Kristjönudóttir

Minjavörður Norðurlands eystra

Sædís Gunnarsdóttir

Minjavörður Suðurlands

Uggi Ævarsson